影片
更多
2022-05-17
94 瀏覽
今日黎到屯門一田超市隔離有間西式小店，價錢幾抵，又見到唔少好評，就坐低試吓。炸蠔🦪$18/2件炸得好香脆，粒蠔都唔係好細粒個啲，鮮甜好味，下次會再叫🤤炸薯條🍟$18好大份好抵食！啱啱炸起熱辣辣，脆卜卜，不過上菜時好似冇落鹽，只有少少胡椒粉，我中意食鹹啲，覺得唔夠味，所以問老闆攞左啲鹽，落完就好好味，呢個價錢黎講絕對抵食😋老闆推介新菜色：鱸魚併薯蓉沙律$98🐟🥔🥗老闆冇介紹錯，魚肉好厚，配意大利醋汁，味道簡單清香，好食！薯蓉香綿幼滑，沙律新鮮爽脆配柚子醋，味道清香，仲有多士粒，令口感再多少少層次👍🏻肉醬千層麵$58千層麵係正中間，側邊以薯蓉圍住，肉醬味唔算突出，不過有拉絲芝士補返，係呢餐裏面相對比較一般。下次會試其他凍朱古力$35香濃朱古力，重鮮奶味，唔係落重糖水個啲，大大杯，正！老闆好好人，會問返我哋好唔好食，覺得真心想煮好食物俾人，整體黎講好好食，會再幫襯😋
炸蠔🦪$18/2件
炸得好香脆，粒蠔都唔係好細粒個啲，鮮甜好味，下次會再叫🤤
炸薯條🍟$18
好大份好抵食！啱啱炸起熱辣辣，脆卜卜，不過上菜時好似冇落鹽，只有少少胡椒粉，我中意食鹹啲，覺得唔夠味，所以問老闆攞左啲鹽，落完就好好味，呢個價錢黎講絕對抵食😋
老闆推介新菜色：鱸魚併薯蓉沙律$98🐟🥔🥗
老闆冇介紹錯，魚肉好厚，配意大利醋汁，味道簡單清香，好食！薯蓉香綿幼滑，沙律新鮮爽脆配柚子醋，味道清香，仲有多士粒，令口感再多少少層次👍🏻
肉醬千層麵$58
千層麵係正中間，側邊以薯蓉圍住，肉醬味唔算突出，不過有拉絲芝士補返，係呢餐裏面相對比較一般。下次會試其他
凍朱古力$35
香濃朱古力，重鮮奶味，唔係落重糖水個啲，大大杯，正！
老闆好好人，會問返我哋好唔好食，覺得真心想煮好食物俾人，整體黎講好好食，會再幫襯😋
張貼
