樂意扒房 (已結業)

老牌餐廳，友人好想一試，去啦。一入去，好有70年代feel，格仔檯布，用老套d字係。。。好浪漫。主題試的是$160（$170？有點健忘）-100g的牛。真係幾貴。唔記得是那類牛或位置。好似係Chicago prime rib。當晚最細都要700g。友人目的是一試，咁只好試啦。一上檯，巧大塊吖~~~ 。 侍應是用車推出嚟，巧grand呀~~~。佢地好細心問我地要唔要影相先，俾我地影完相先上碟。碟上還有一個焗薯。侍應會問你要唔要醬。非常好。講番牛，我地要5成，真係好耐未食過剛好5成的牛。外皮燒得剛好，但唔覺炭燒味。內裡紅紅的但血水全收。於是，軟滑的牛慢慢走入我的口中。味道厚，有肉味，可惜，呢一塊比較多肋了，真是美中不足呢。焗薯ok ah..焗得不錯呢，奶油，煙肉等基本野啦。菜就無dressing 啦。由於驚太飽，叫了一個基本沙律，可以自己加醋及 Oliveroil。菜，一般，無咩特別甜唔甜。只為清清腸胃。整體不過不失，全晚得幾檯客，很適合傾計。而服務員個個都好好態度，真係好難搵喇。