影片
更多
2023-10-04
70 瀏覽
幾個月前已經去過依間韓國餐廳，主打韓式烤肉，仲有其他韓食。食物質素好，服務都好好，店員主動問洗唔洗幫手烤肉，在此非常感謝店員嘅幫忙🥹一入座除咗有泡菜爐邊蛋，仲有拉絲芝士粟米，而且係任添，太好了🥹濟州豪快黑毛豬五花肉 $168————————————未燒前以為佢係一塊平凡嘅豬肉，店員幫忙燒烤後，五花肉嘅肉汁標晒出嚟😋肉質Juicy又有咬口但唔會韌。加埋拉絲芝士一齊食，邪惡到爆😆大牛骨 $360————————————成大條牛骨！骨邊肉，肉質比較結實，油花滿佈，鮮嫩又有嚼口，油花受熱後同肉筋融為一體，非常Juicy。月見牛肩肉 $118————————————牛肩肉重牛味之餘，油脂仲好豐富，薄薄一片已經爆多肉汁，撈埋生蛋黃食，入口好香好順滑。大八爪魚 $108————————————醃到好入味，燒完之後入口軟淋淋，唔韌，而且已經剪好一段段，唔會卡到喉嚨，好食呀😋人蔘雞湯 配白飯 $92 ————————————個湯好入味好送飯，隻雞又大又夠嫩滑，好補身呀！馬格利生米酒(原味) $98————————————第一次飲米酒🍶又幾好飲喎，酒精味唔會太重，有甜甜嘅米香，微微嘅碳酸氣泡感，好Smoo
一入座除咗有泡菜爐邊蛋，仲有拉絲芝士粟米，而且係任添，太好了🥹
濟州豪快黑毛豬五花肉 $168
————————————
未燒前以為佢係一塊平凡嘅豬肉，店員幫忙燒烤後，五花肉嘅肉汁標晒出嚟😋肉質Juicy又有咬口但唔會韌。加埋拉絲芝士一齊食，邪惡到爆😆
大牛骨 $360
————————————
成大條牛骨！骨邊肉，肉質比較結實，油花滿佈，鮮嫩又有嚼口，油花受熱後同肉筋融為一體，非常Juicy。
月見牛肩肉 $118
————————————
牛肩肉重牛味之餘，油脂仲好豐富，薄薄一片已經爆多肉汁，撈埋生蛋黃食，入口好香好順滑。
大八爪魚 $108
————————————
醃到好入味，燒完之後入口軟淋淋，唔韌，而且已經剪好一段段，唔會卡到喉嚨，好食呀😋
人蔘雞湯 配白飯 $92
————————————
個湯好入味好送飯，隻雞又大又夠嫩滑，好補身呀！
馬格利生米酒(原味) $98
————————————
第一次飲米酒🍶又幾好飲喎，酒精味唔會太重，有甜甜嘅米香，微微嘅碳酸氣泡感，好Smooth嘅感覺。
朱古力棉花糖 $55
————————————
係爐上面烘棉花糖，好好玩😆有好多粒比我玩😆外層少少焦烤，內裏流心，超爆正🥹
張貼
