影片
更多
2017-10-31
96 瀏覽
最近天氣涼番少少，打邊爐嘅聚會又開始陸續冒出黎，今日一行四人黎到輝哥私房菜打邊爐。店內環境都幾大，間開房間，我地坐果間房只有兩大枱，一細枱，難怪啲人話食私房菜私隱度高，如果人多，不妨包間房，又唔怕嘈親人，又唔怕人地嘈親你。本來以為食小菜，但原來都有供應火鍋，火鍋都幾多選擇啊，價錢唔貴，整體黎講質素都ok。我地先點左個湯底，然後店員就送上茶、醬料，醬料都仲係簡單野，辣絲、蒜蓉果啲；不過佢介紹埋個茶，話係老闆喺山西拎番黎，好特別嘅黑麻仁茶，火麻仁啲friend喎，飲完好好訓咁話。1)胡椒豬肚花甲鍋：我地揀左比較暖胃嘅胡椒豬肚花甲鍋，花甲都幾大隻，吐沙乾淨，湯底都幾清甜，帶淡淡胡椒味道。2)本地手切牛：牛肉方面都有幾款，有手切牛、牛頸脊、牛柳粒、牛脷等，我地點左本地手切牛，大碟嘅三百六十零蚊，份量都幾多，四個人夠哂。牛肉質素都唔錯啊，入口腍，而且牛味濃郁，又有少少肥、筋位，爽脆啲囉。3)流心咸蛋豬肉丸：豬肉丸手打架，裡面有流心蛋黃，都有少少登黃油份流心，味道唔錯啊4)珊瑚蚌：平時打邊爐我都會點埋珊瑚蚌，鐘意佢淥一陣就食得，而且好爽口。5)出水豆腐：係人都知係邊隻豆腐架喇，我鐘意打火鍋店，貪佢
我地先點左個湯底，然後店員就送上茶、醬料，醬料都仲係簡單野，辣絲、蒜蓉果啲；不過佢介紹埋個茶，話係老闆喺山西拎番黎，好特別嘅黑麻仁茶，火麻仁啲friend喎，飲完好好訓咁話。
1)胡椒豬肚花甲鍋：我地揀左比較暖胃嘅胡椒豬肚花甲鍋，花甲都幾大隻，吐沙乾淨，湯底都幾清甜，帶淡淡胡椒味道。
2)本地手切牛：牛肉方面都有幾款，有手切牛、牛頸脊、牛柳粒、牛脷等，我地點左本地手切牛，大碟嘅三百六十零蚊，份量都幾多，四個人夠哂。牛肉質素都唔錯啊，入口腍，而且牛味濃郁，又有少少肥、筋位，爽脆啲囉。
3)流心咸蛋豬肉丸：豬肉丸手打架，裡面有流心蛋黃，都有少少登黃油份流心，味道唔錯啊
4)珊瑚蚌：平時打邊爐我都會點埋珊瑚蚌，鐘意佢淥一陣就食得，而且好爽口。
5)出水豆腐：係人都知係邊隻豆腐架喇，我鐘意打火鍋店，貪佢吸啲湯汁入去，又夠滑溜。
6)招牌炸響鈴：本來冇諗住點架，不過見隔離枱點左，話新鮮炸起，咪點一份試下，又幾正喎。
7)新鮮紫淮山：店員話唔係好多鋪頭有架，叫我地都要點黎試下，鮮紫淮山都幾好食，粉感重，又夠健康。
8)蒜香炸魚皮：朋友鐘意食炸魚皮，都幾香脆呢，即食又得，淥幾秒食都得
9)白柏葉：柏葉都幾爽口。
10)芝士墨魚丸：墨魚丸好新鮮啊，裡面又有芝士，好味
張貼
