茶寮 京都仁王門

營業中

休息中

叫左炸豬扒同炸蠔定食真係好好食，十分脆又唔油膩，份量夠十分飽。跟餐嘅沙律菜都十分新鮮，咬落嗦嗦聲，沙律菜仲有鴨胸件非常淋。屋企老人家點左豚肉烏冬，豚肉好淋，老人家都咬到，抵讚。烏冬仲要係讚岐烏冬，落足料👍烏冬份量少，店員見老人家咁快食晒，主動問洗唔洗添多1碗，原來可以添多1次，即刻飽晒。跟餐有杯小綠茶呢個點綴得好好，可以消一消化食甜品，記得一定要飲。我同太太叫左兩杯咖啡，咖啡都好香又濃，味道剛好。我哋落餐時有叫埋pancake，店員好窩心提我地食左一半份量嘅咸點先再order pancake就剛好，然後我地食左一半正餐後，店員就主動問我地需要咩味pancake，十分好，有留意到我哋進食程度。我估呢個係店長，因衫嘅顏色唔同，店長服務態度十分好，因坐我地後面有位媽媽推BB車入店，店員幫助媽媽和BB坐低後，主動幫忙安置好BB車，真係好好，令客人有個開心滿意嘅飲食體驗。我食飯從都未寫個食評，今次真係忍唔住要表揚呢間舖頭同該店長。