泰餐館 (已結業)

今日諗住帶媽咪家姐去食餐好既泰國菜,之前朋友帶我食過都幾好食,但今日真係好失望....佢地個侍應非常之無禮貌,話說我地叫左個肉碎生菜包,但啲肉碎入面有好多肋,咬唔到,佢就好緊張咁話：我地呢度啲肉碎係咁架,無得換架,你今次食完下次唔好叫囉！服務態度差到不得了,我都未話要換你唔使咁講嘢,跟住佢又話換過一碟比我地,你又話你地啲料係咁,你換一碟黎有乜分別？！仲有條明爐魚,粉絲由低鋪到上面,多到連條魚都睇唔到,我地要拎晒d粉絲出黎先食到條魚...佢地既野食比其他泰國餐廳既有分別,分別係冬陰公唔辣,生蝦既醬汁又唔辣黃咖哩雞一樣唔辣,另一個侍應姐姐仲話：係呀,我地呢度d野無咁辣架! um.... 如果大家想食辣既泰國菜既朋友,可以唔使考慮,不過唔食得辣既朋友可以....自己考慮下!