泰餐館 (已結業)

今日黎左長沙灣揾食，餐廳職員介紹食軟殻蟹，嘩！真係真係好食！仲要試下佢地的大話七，好特色的消暑飲品，我地又試左佢地的海南雞，好滑好好味！可以試下個甜酸雞，好似咕嚕肉咁，味道好好！啲餐廳職員好好服務，仲請我地食泰式自製蝦片（哎呀⋯掛住食，冇影相添）如果唔想行樓梯，仲可以係旁邊大廈搭lift，好看更講，去一樓「冬蔭泰」就得啦！好方便！呢度樣樣餸菜都好抵食，地方又舒適，仲有呢度冇嗰啲泰國佛像，聽聞係基督徒泰國人主理，好特別

平時無乜機會出街食到泰國野，因為男友人話屋企有泰籍工人，無需要出街食喎。食泰國野嘅心因而壓抑左好耐，好在今次屋企人揀左呢間先食到泰國菜。呢間平時原來係泰國教會黎，夜晚就係餐廳，平日夜晚黎無乜人，嫌有啲太靜。首先黎嘅係pad thai，味道唔錯，唔太油又唔太辣，有泰國味道。個馬拉盞通菜比較失色，好辣，而且好硬，唔受歡迎，可能而家通菜唔當造。呢個西蘭花炒蝦球就好好味呢個肉唔記得係咩名，淨係記得係豬ankle，啲皮好食，肉都唔硬，家人大讚。呢個雞都入味，夠嫩，味道好好。燒魚就不過不失，都係魚肉味，無乜特別。家人話條魚算靚，因為打開係黃色。最後食甜品，好意外食落口係熱辣辣嘅，好好味！新鮮蒸出黎好軟熟好香，大讚！

呢間野，其實已經係9月時食架啦，但點解要寫呢，因為都有紀念價值，食完呢間之後，我就唔知點解那個月起係咁有人約我食泰國野言歸正傳，呢間野堅係好高嘅，其實都出名都成日聽啦先要講下呢個生菜包肉碎 $92，有得DIY自己包，其實幾好玩，D肉碎又勁好味飛天炒通菜 $65個名都幾霸氣話要飛天，不過又係好食，通菜係我最愛嘅菜之一，所以我話佢煮得好食，就一定好食青咖哩 $85唔太辣，溫柔嘅青咖哩好岩我口味，好似老婆咁有時會花少少辣脾氣但總體都好溫柔泰式炒金邊粉 $82呢個又係無得輸，大碟又香唔駛講，炒得恰到好處，勁爽口好味咁又一餐，可能太好味，朋友都想我想回味泰國野所以成日約我了

今日貪方便，求其搵左間屋企附近既泰國野食下，見open rice d人對依間野評價都唔錯……點知中伏了一開波充滿期待叫左個刺身蝦嘆下先，碟生蝦黎到……點解係雪藏蝦😨😨😨第一次食生蝦刺身會用雪藏蝦，108蚊俾d咁既質素我😠……條氣唔順上open rice睇食評，d人竟然話生蝦好爽又彈口，無可能囉至於煎蠔餅就粉多過蠔，仲有殼，已經無哂胃口，而個冬蔭功湯就又酸又咸，點飲呀😱😱😱最後埋單411，依個價錢食左d咁既質素既野，感覺好差不如去九龍城食好過

本來想帶屋企人去試試附近的泰國菜，於是詢問店員有什麼菜式推介，我們照足建議點菜，但係味道太差好失望，炒飯的飯煮得又爛又淡，蝦醬炒飯竟然完全冇蝦醬味！又點了香草辣椒雞肉燴飯，啲餸少得可憐，要求了幾次先願意補少少餸，反而飯就超級多。用料太吝嗇，未能反映泰國菜的囗味，豬頸肉也不爽口，感覺不夠新鮮。我最喜歡的酸辣白鳳爪的味道和口感反而還可以，是唯一我最滿意的一道菜，希望以上問題餐廳職員可以好好改善！相信生意額也會改變！

三個人去食晚餐，好飽好滿足Order左呢幾樣：木瓜沙律、生蝦刺身、蝦醬炒通菜、菠蘿炒飯、泰式炒金邊粉、冬蔭功、珍多冰、椰汁冰由於份量比想像中大，我地最後食唔哂要打包個人覺得有幾樣野一定要試：啲生蝦好大隻、餡好足金邊粉好足鑊氣，好入味最正係冬蔭公湯，飲完好開胃，辣得黎又有小小酸 👐🏻🍲小小遺憾；太飽冇食到甜品就走左個環境好舒服，卡位又闊唔駛同人逼因為閒日夜晚去，個場冇乜人、好靜同朋友食完坐左一陣先走P.S.啲員工都好好人，我地賣左單先request要外賣盒，佢索性唔收我地錢會再幫襯 😌👍🏻😀

Friends' gathering and they chose this restaurant, it's quite difficult for me to reach this restaurant , maybe the front door is too small to be noticeable.Tom Yum Soup - taste sour and spicy, and too spicy that I can only sip a mouth.BBQ chicken wings - taste ok, but it's somewhat like what I can do in my own kitchen. Environment is a bit old but service is good. 

好同事作東請食飯，帶小人來到一家樓上泰國餐廳。甫坐下侍應即奉上每人一碗餐湯，可惜溫度僅屬微暖，同時又無味，喝了甚麼下肚都不清不楚。兩個午餐的第一道乃是辣椒肉碎炒河。河粉不會太油膩，趁著粒粒肉碎以及辣椒，絕對刺激味蕾。青咖哩雞飯亦很不錯，雞肉細嫩不在話下，咖哩汁更是幼滑中透出淡淡的香料味，予人清新的感覺。三色冰是同事叫的，看他喝很津津有味，應該不會差到那裡去。小人的柚子梳打卻不甚了了，有冰但不夠凍，柚子味道甚弱，跟一杯普通梳打水無異。縱然湯不夠熱、凍飲不夠凍，不過食物好食，小人定有回頭之日。

以前好喜歡和朋友來這裡吃飯，因為初開業首2-3年真的好抵食，如每次大家都會點2-3份的泰式生蝦只需$45份，現在已經加價至$100份，所以已經1-2年沒有再來了，今日年初七，lunch四處等位，所以就上來看看，人不多，不用等位～現在改了用點餐紙，自行填寫再交店員午巿還有些特價小食和甜品，可是我實在忘記不了從前的廉價午餐送的湯，不熱的⋯奶茶不是泰式的？凍朱古力Nosir不想吃辣，所以點了黃咖哩牛腩飯，味道不過不失，如果可以熱一點會更好我點了最愛的菠蘿抄飯，肉鬆很好吃，材料又夠多，雖然我不吃提子乾，但都沒有理照吃進肚裡從前五十多塊可以離開的午餐，現在已經要一張紅衫魚了

今晚我地一行四人去左食我好鍾意既泰菜，其實呢度黎左好多次，但係第一次寫食評由於我唔太食得辣既關係，佢地就我叫左個青咖哩豬，個汁真係好香好濃，除左咖哩同豬外，仲有少少豆角襯托，用黎送飯真係一流！我忍住唔食左好多！呢個蝦球一樣有驚奇，首先係我好鍾意食既肉類，仲要好新鮮好彈牙，加上啲汁係泰式辣醬，酸酸地好開胃！仲有個豬頸肉保持一貫水準，外層煎到幾香脆，裏面啲肉有好多汁， 好味道！呢個芒果糯米飯係我朋友想叫既，佢原來有白糯米同紅糯米，不過我就唔係好'好'; 而個芒果就非常之甜，令人想一試再試！總括黎講每碟餸都好有水準，令人食得非常愉快！

這日喜歡食泰國菜的朋友生日，特地選了此店和他慶祝。小食拼盤（$75）包括咗：蝦餅，魚餅及春卷條蝦餅彈牙又炸得鬆脆，炸粉不多，口感不錯魚餅口感軟腍，幾爽脆春卷金黃鬆脆，皮薄餡靚，木耳﹑粉絲﹑蘿蔔絲﹑肉絲等材料都好充足。整體食物質素好好，壽星仔都食得好開心。

每年生日都要食一食泰國菜。三年前黎過呢度食，抵食又好味，今年就決定返嚟回味一下。必點既梗係生蝦刺身啦，唔食生蝦刺身點要做食泰國菜丫。山下肥美大牙，啖啖肉，配料充足，酸辣汁調到啱啱好。值得一讚👍🏼👍🏼然後唔少得嘅梗係冬陰公湯，但令我最失望嘅就係佢，初初飲嘅時候都覺得唔錯，但越飲到底，就覺得好鹹好重味，好多味精，飲完超級口渴。蝦都幾多，但可惜琳琳地，唔係好鮮。沙嗲還可以，都係一般般貨色。金邊粉有啲失望，好甜好多味精。呢個唔知乜嘢菜苗，又嫩又爽口值得一讚，但都係味精重。燒魷魚即上即食，燒得唔錯幾香嘅。最後叫杯珍多冰做結尾，我叫左少冰，椰奶夠香。今次食同三年前食嘅味道差好遠，價錢都貴好多。如果佢食物質素繼續維持而家狀況，而家前都係咁貴，我自己就覺得唔抵食啦。希望遲下質素有改善喇。。。順帶一提，如果有老人家或BB車，行動不便嘅朋友就唔好黎呢間啦，因為餐廳位於2樓，一定要行樓梯上去，想試吓佢個生蝦刺身嘅就去第二間分店啦。

平日好少會行到長沙灣搵食，但今次行行下太肚餓關係，見到「泰」就即刻入去食。因為晚飯時間，所以都幾滿，幸好店員爽快的安排下，即刻有位坐。 今次我的晚飯餐單是：青木瓜沙律，蟹肉炒飯，海鮮東蔭公湯和馬拉盞炒通菜。青木瓜沙律－好足料，我第一次食有生豆角的青木瓜沙律，沙律汁調得好好，酸味味少少辣，開胃。 蟹肉炒飯－蟹肉足夠，不太油膩，飯炒得都夠乾身。海鮮東蔭公湯－亦好足料，蝦，魷魚，蘑菇，蕃茄，不過湯偏咸，到最尾咸到飲剩約一碗。馬拉盞炒通菜－味道夠的，不過當日通菜唔夠嫩。

大胃聯盟今日去到長沙灣既「泰」。「泰」可以算係半間樓上鋪, 因為佢地下得個入口, 要行少少樓梯先上到餐廳。黎到餐廳都差不多兩點, 唔算好多人, 地方幾闊落, 乾乾淨淨, 環境算OK。******************一坐低就餐廳送左兩碗湯俾我地, 雖然已經凍左兼都幾多油, 不過既然係送既, 是但啦...我地order左海南雞飯、甜酸豬肉飯, 、跟餐小食豬頸肉+柚子沙律、同埋青木瓜沙律。******************海南雞飯, 冇骨(除左雞翼), 好嫩滑, 可惜在黃油飯比較乾又硬, 同埋小編原本期望會好香薑雞蒜味, 但食落真係有D失望。(可能泰國海南雞飯比較淡??) 至於甜酸豬肉飯, 甜酸味好搶, 份量都好多, 但豬肉食落總係覺得好似落左鬆肉粉, 怪怪地。******************跟餐小食豬頸肉+柚子沙律 ($35兩款), 以跟餐小食來講叫OK, 豬頸肉有少少過左火, 偏鞋; 柚子沙律屬一般。見到Openrice有網友大力推介青木瓜沙律, 所以都叫左一個去試下, 份量都幾多, 調味帶少少少少辣而偏甜(青木瓜沙律實在有太多唔同做法, 調味唔同, 配料唔同, 所以唔可以話偏

來到長沙灣吃晚餐 今次選擇了泰國菜Menu每一頁都有聖經金句 可見店主的信仰My Order:生菜包肉碎 ($88)冬蔭公湯河粉 ($68)西蘭花炒蝦球 ($88)珍多冰 ($28)椰汁冰 ($28)下單後店員送上幾塊炸蝦片作前菜等了一回兒 第一道上的菜是 冬蔭公湯河粉冬蔭公湯底很香蕃茄味 略嫌不夠辣有些河粉都黏在一起 但勝在很"冬蔭公"味第二道菜是生菜包肉碎約有10片生菜 肉碎炒很香口每次吃泰國菜 必點生菜包Hahaha肉碎洋蔥胡椒很惹味 份量很可接受上完兩道菜和飲品後隔了很久 也遲遲未上第三道菜催促了侍應兩次 也不見炒西蘭花的蹤影差不多吃完前兩道菜 相隔了15分鐘才上西蘭花炒蝦球但一吃之下西蘭花炒蝦球 並不是熱騰騰的 有點失望是溫溫的 不理解為何要等幾麼久最後老闆給我們問卷 填了後送兩件椰汁大菜糕送椰汁大菜糕 很香椰子味不會很淡