芋圓圓

營業中

休息中

同朋友食完烏冬，女仔就梗係想食埋糖水先散場架啦，我地黎到芋圓圓。見到要排隊，都排左幾個字先入得。呢間有最低消費，每人要叫一樣野。我地要仙草芋圓、鮮奶椰汁桃膠芋圓、桂花雪梨芋圓同糖不甩芋圓。每碗都包三色芋圓﹕芋圓、黃薯圓及紫薯圓。我要既係仙草芋圓，有薏米，紅豆沙，三色芋圓。我覺得好普通，芋圓都煙韌，不過味道唔出，冇芋頭味，黃薯圓既味比較食到番薯味，其它都唔太食到。鮮奶椰汁桃膠芋圓真係好椰汁，但太甜。桂花雪梨芋圓亦太甜，桂花味唔出。糖不甩芋圓幾特別，但覺得傳統個種糖不甩比較好食。呢到服務態度一般，好有趕客既感覺。