正宗上海生煎皇 (已結業)

從來都未寫過食評，第一次嬲到要寫。午市五個人入去食，強迫我哋坐四人枱，多出嚟嗰一個人連枱都用唔到，要求左幾次先肯擺我哋去六人枱。落Order,店員脾氣奇差咁講一句:「你等等啦」問佢哋啲嘢，語氣都好差。嘢食黎得幾快，滷水雞翼唔入味，排骨菜飯好似食緊叉燒咁，總之就唔可以話佢難食但係就唔會再想去食食物唔係特別好食，服務就係俾錢貼難受。真係接受唔到呢間野嘅服務。知道個鋪頭係明星開，店面亦都貼左好多訪問。理論上應該會唔差，始終都要有個聲響係度。真係冇諗過最後會咁。