都匯漁港

營業中

休息中

點心方面已經唔算好好食，價錢又唔算平（不過晚餐時段有d嘢價錢幾實惠），但如果你服務好的話，我覺得可以接受，會去多幾次（因為就腳）最慘依間嘢d阿姐，對眼生係頭殼頂，叫佢哋執枱，一個推一個，又扮睇唔到，成個人企咗係度等執枱等咗差不多十分鐘，完全無人理，係你面前行過都唔理，你話你生意好唔夠人手都話可以理解，但個時一來唔full，二來佢哋仲有時間同熟客傾閒計都唔去幫忙有需要嘅客人...…如果再係咁，完全唔會再想幫襯囉！香港今時今日飲食業已經難做，唔明佢哋有咩底氣仲可以態度咁差，佢哋老闆真係要多得佢哋唔少！（p.s :企樓面嘅知客姐姐係有禮貌嘅）