札幌元祖北海道拉麵 (已結業)

今日,放工去食lunch。我好耐無食拉麵，之前行街經過呢間野。係想食好耐今次終於試到啦。（我本人比較鍾意去D唔顯眼的餐廳，一來唔洗同人迫。）入到去餐廳，播緊日本歌。但梗係唔係近期的歌。裝修就似日本0既小店。入到去坐，侍應就俾左餐牌我。結果我就叫左個豬骨湯拉麵加燒餃子。落單到上餐只係等左5-10分鐘。先講個拉麵,拉麵有粟米、叉燒、海苔：我覺得個拉麵的粗幼比出面拉麵粗;但又唔似蛋麵0既顏色咁淺黃色。個拉麵唯一一樣野好，就係彈牙。叉燒係比面厚身D，但比較出面細塊。豬骨味又唔太覺有。個餃子我會鍾意,因為佢係煎到金黃色。一碟有五隻，食落去好豬肉。餃子係做到好薄，豬肉餡唔散。本人覺得如果個餃子加少少豬軟骨，令到食餃子個口感會爽口D。