品味人生中國廚房 (已結業)

係０８年既情人節同太太去吃晚飯，坐低後等左好耐都無人開茶，叫仕應又一個推一個。當我地睇完menu點菜時，個仕應話今日係情人節所以只有佢地set定既餐，但我話明明見到另外有幾台都係叫menu既食物點解我唔可以，個仕應就搵個經理出黎話因為廚房無套餐以外既食物供應然後就走左。由於當時其他地方都排曬人等位所以唯有照叫佢地set好既套餐。氣頂時又黎，等左成２０分鐘先黎杯飲品，最攪笑係乜野前菜都未黎就上甜品，我同阿姐講我乜都未食就上甜品，點知佢話桂花小丸子咪前菜然後放低食物後又閃人。全晚最氣頂既野又發生，當我地食得七七八八後有幾張６－７人台叫野食，點知佢地完部可以叫menu上既食物，我問個位經理話點解我之前唔可以叫但人地而家又叫得，佢又話驚廚房唔夠材料，我就話乜今日街市無開咩，你地咁樣做生意點得嫁，大家都係客人但就唔同標準，見人地２個人就老屈人地叫餐，如果你地想增加生意額可以係今日定個minimum charge但就唔好係度雙重標準。總結：食物雖然唔差，但係其服務就差到痺，食完令你一肚氣。我覺得大把其他選擇，無必要去呢間野受氣，所以絕對唔推介大家去品味人生。