Cow Bean (荃灣廣場) (已結業)

經過d間野，望下錶都差唔多晚飯時間，望到特價76蚊鋸扒，咁就入去試下啦，見佢出面寫送啤酒，諗住問清楚嗰侍應係咪送啤酒，如果係送，咁我加錢跟餐就唔要汽水要溫泉蛋，嗰侍應聽到我問係咪送啤酒，態度超臭又話假期冇啤酒送又話點點點，又話你揀最平嗰個要加錢跟野飲嗰d, 其實我地一早都諗住加錢架啦，佢好似睇你唔起食最平嗰個扒餐咁。我忍住啖氣諗住拿拿林食完就走，件扒上到，筋又多，好難切，切到手都軟，唯一讚係薯條幾好食，買單最終$25x！講真，咁既服務態度入去俾人白鴿眼，下次免費請我食都唔去！