城市匯 (已結業)

Chope 上訂左買一送一主菜，七點去到間野冇人所以可以安排掉位。點左一個龍蝦意粉同牛扒，菜式好快就到，味道可以但係溫度唔太熱。其實整體如果有優惠係幾抵食，但無奈成餐飯個服務員所有野都做得好快，本身覺得咁樣係服務幾好。但去到後尾係咁收碟同埋問要唔要甜品，跟住過咗一陣仲攞埋張單但我哋根本未挨埋單。佢擺低咗之後仲係咁回頭望睇吓我哋俾咗錢未， 成件事就變咗完全係趕客...令到我感覺好差唔會再去。