野姜 (已結業)

今日放工後想去element睇戲，但見有時間所以就到戲院旁既依間餐廳試下。入到去個侍應帶左我同我老婆去坐，但明明有卡位,佢竟然比張方枱我地。我地點左個南瓜蕃薯天婦羅，蕃茄牛柳烏冬同安格斯牛肉飯。點點知點果時佢竟然話個餐牌係午餐牌。而家晚餐要散叫。咁都算，咁所以散叫，仲加左杯熱奶茶。點知原來杯熱奶茶就係焦點，hihi熱奶茶竟然係凍既，無錯係凍既，你唔係用熱飲杯裝住杯凍奶茶就叫熱奶茶呀？我就叫個侍應換過杯。換過杯之後個侍應又話我放咁耐凍左，叫我快d飲。我幾時飲都要你管？你比杯凍奶茶我放幾耐都係凍ga la,即係話我呃你啦。跟住個天婦羅，又話北海道南瓜，沖繩蕃薯。同街市買既無分別。個粉漿又厚又油，仲要得4件。未食過咁難食既天婦羅。跟個到個烏冬，跟本就係味精水，d牛又唔新鮮，一陣雪味。我老婆差唔多食完個烏冬，個飯先黎，我心諗你唔係即叫即煲飯呀？我自己入廚房都煮完啦。我唔介意等，但同時間上菜比同枱既客人係基本既禮貌。咁小既事都唔注重，又點會注重顧客既感受。一食落去d牛又多筋又大彈雪味。一餐品質咁差既飯竟然要$300，仲話要折左，真係永遠都唔會再去。永久blacklist