品味人生中國廚房 (已結業)

前幾天和四位朋友到旺角品味人生吃晚飯，一早已預料到星期五晚一定好多人等位，所以7:30就開始等位，等到8:00終於有位！但門口位姓梁黑膚色的知客問我地人齊未，我地口快快話仲有一位未到，點知佢話人要到齊先入得！但羅飛等位時或門口根本無寫明要人齊先入得！然後她繼續叫下一張飛，當我地透明！我地話要投訴時，她大聲說"好呀，經理在入面，您去找他啦"我地向經理投訴知客的服務態度，問他有無意見書或公司電話或網址投訴，他說只有兩間分店，沒有office，幾攪笑！但他尚算禮貌！但那個知客實在不知所謂，全晚黑口黑面！如果早知要等齊人先入得就唔食您個間啦！奉勸大家要等位就一次過羅幾間餐廳的飛，費時有位時先比人玩野呀！結果，8:00先再羅張少一人的飛，等到9:00先有位，真係激氣！今時今日的服務態度，隨時睇住執笠啦！