影片
更多
2013-10-12
2734 瀏覽
平時都唔熱衷於寫食評，但呢次真係忍唔住，上黎寫一寫。近來搬左去大圍附近，聽朋友推薦過楓林小館，試過覺得好食，雖然稍貴，但結果都決定帶親戚來食一餐晚餐。因為要一行人中有老人家，腳做過手術，行路同企得耐都會痛，所以為免老人家要等，已經預早訂了位。到達時，先發現店家原來預留了在樓上既一張檯，既然冇電梯，見當時樓下又未有咩人客好多空檯，老人家會行得辛苦，所以就行左去櫃台個邊，問問可唔可以調落樓下。「唔好意思呀，我地訂左位，但因為有位老人家，行路唔係咁方便，請問方唔方便換一換，安排張檯喺樓下畀我地？」而個位唔知男侍應定經理，望都唔望我一眼，好唔耐煩咁答：「冇位呀! 人地今朝坐輪椅都咁上去啦! 」我都明白既然訂座時都冇指明要樓下，人地冇安排到都可以理解，只係想知道方唔方便彈性處理一下，如果真係唔方便我都唔會強求。一句「唔好意思，真係安排唔到」，我地絕對冇問題，只係佢既態度實在太差。結果，由於都臨近晚飯時間，怕其他地方多人，我地都花左好一段時間先扶到老人家上樓，而大家餐飯都食得唔係咁開心。食物方面，其實唔錯，尤其炸鮮奶同乳鴿。其他侍應服務態度都ok, 可惜個位侍應令我覺得佢好唔尊重，所以以後都唔會再
近來搬左去大圍附近，聽朋友推薦過楓林小館，試過覺得好食，雖然稍貴，但結果都決定帶親戚來食一餐晚餐。
因為要一行人中有老人家，腳做過手術，行路同企得耐都會痛，所以為免老人家要等，已經預早訂了位。
到達時，先發現店家原來預留了在樓上既一張檯，既然冇電梯，見當時樓下又未有咩人客好多空檯，老人家會行得辛苦，所以就行左去櫃台個邊，問問可唔可以調落樓下。
「唔好意思呀，我地訂左位，但因為有位老人家，行路唔係咁方便，請問方唔方便換一換，安排張檯喺樓下畀我地？」
而個位唔知男侍應定經理，望都唔望我一眼，好唔耐煩咁答：「冇位呀! 人地今朝坐輪椅都咁上去啦! 」
我都明白既然訂座時都冇指明要樓下，人地冇安排到都可以理解，只係想知道方唔方便彈性處理一下，如果真係唔方便我都唔會強求。一句「唔好意思，真係安排唔到」，我地絕對冇問題，只係佢既態度實在太差。
結果，由於都臨近晚飯時間，怕其他地方多人，我地都花左好一段時間先扶到老人家上樓，而大家餐飯都食得唔係咁開心。
食物方面，其實唔錯，尤其炸鮮奶同乳鴿。其他侍應服務態度都ok, 可惜個位侍應令我覺得佢好唔尊重，所以以後都唔會再黎。建議其他人黎既話，而又有老人家既話，訂檯時睇下可唔可以講明要樓下既檯，以免再受氣。
張貼