影片
更多
2017-02-15
550 瀏覽
服務態度惡劣 無下次！平時只會睇食評，今次第一次寫，呢間餐廳好應該寫下。 上星期六難得同朋友銅鑼灣食飯，6點幾去到餐廳，全場未有客人，待應一副唔想做的樣，安排我地坐路口位，廚房抽氣扇係正頭上，好大陣味。朋友問可唔可以轉位，待應指住其他枱一句「最低消費$1000蚊喎」。我地已經O左嘴，以餐牌上的價錢，兩個人好難食到過千。唔緊要，食飯要開開心心。後來見有一家三口坐係個張要「最低消費$1000蚊」的枱，叫了4道菜，點計成張單都最多500，待應唔記得自己講左啲咩？我地兩個女仔點了一份卷物、幾件壽司、山葵黑豚軟骨和蟹膏蟹肉飯。咁岩當日元宵，朋友親手整了幾粒曲奇餅俾我，曲奇好細塊，等上菜既時間我地拎住個盒自拍。一位著西裝貌似經理的人態度極其惡劣，衝過嚟我地枱鬧我地唔可以自攜食物入餐廳，我地兩個都呆左。我朋友即刻收返埋，細細聲話曲奇自己整，之後個經理黑哂面咁行開，再好大聲同另外幾位待應講「人地話啲餅自己整架」，佢大聲的程度係全餐廳都會聽到...其實區區一粒曲奇，唔需要小題大做吧？服務態度咁惡劣，拎住自拍都唔得？又無食，都落左2人份量的菜，唔係為左一粒得拇指咁大的曲奇鬧客人掛？如果唔可以拎出黎，可以正
平時只會睇食評，今次第一次寫，呢間餐廳好應該寫下。
上星期六難得同朋友銅鑼灣食飯，6點幾去到餐廳，全場未有客人，待應一副唔想做的樣，安排我地坐路口位，廚房抽氣扇係正頭上，好大陣味。朋友問可唔可以轉位，待應指住其他枱一句「最低消費$1000蚊喎」。我地已經O左嘴，以餐牌上的價錢，兩個人好難食到過千。唔緊要，食飯要開開心心。後來見有一家三口坐係個張要「最低消費$1000蚊」的枱，叫了4道菜，點計成張單都最多500，待應唔記得自己講左啲咩？
我地兩個女仔點了一份卷物、幾件壽司、山葵黑豚軟骨和蟹膏蟹肉飯。咁岩當日元宵，朋友親手整了幾粒曲奇餅俾我，曲奇好細塊，等上菜既時間我地拎住個盒自拍。一位著西裝貌似經理的人態度極其惡劣，衝過嚟我地枱鬧我地唔可以自攜食物入餐廳，我地兩個都呆左。我朋友即刻收返埋，細細聲話曲奇自己整，之後個經理黑哂面咁行開，再好大聲同另外幾位待應講「人地話啲餅自己整架」，佢大聲的程度係全餐廳都會聽到...其實區區一粒曲奇，唔需要小題大做吧？服務態度咁惡劣，拎住自拍都唔得？又無食，都落左2人份量的菜，唔係為左一粒得拇指咁大的曲奇鬧客人掛？如果唔可以拎出黎，可以正常態度同我地講，而唔係背後大大聲同同事講，實際係當住其他人寸客人。而該位著西裝的男經理亦都全晚掛住同其他待應大聲傾計講笑，又癡住個女待應背ABC，有客人落單點菜、執枱，全程hea爆，咁都得？
除了服務差之外，食物質素更加不願置評，卷物整得又扁又鬆，啲飯好硬，蟹膏蟹肉飯無蟹肉，炒到勁乾，真係唔知點食...餐廳的抽油煙做得勁差，成身都係味，我地兩個食完即走。想開開心心元宵食餐飯，野唔好食，態度又惡劣，咁受氣，全線都blacklist得架啦！
張貼
