鳳城酒家 (干諾道西) (已結業)

知道上環開咗一間新嘅鳳城酒家所以諗住1月1號同親戚朋友一齊去試,因為我哋人數眾多所以我預先一個星期前已經打電話去訂位。當日去到我就同個接待員講我訂咗12點，佢知道我哋10幾人同我地講要分開兩張枱，一張大枱一張細枱咁我哋話冇問題所以佢安排左張大枱比我地先但係一張細枱我哋等了45分鐘都未比到我地，但係當時我見到我附近兩張細枱都有人走但係都唔俾我哋（同時啲侍應嘅態度好差）到最後要比一張較為遠的細枱我哋！我想講嘅就係如果我打電話來訂位嘅時候同我講茶市冇得訂位我都唔會有問題但係你比得我訂位就要安排好番啲位俾我哋！😡