澳門台山水佬榮火鍋專家 (已結業)

我極之唔recommend去呢間餐廳，除非你可以接受對客人態度差既餐廳。餐廳之前同朋友食過，想再訂位食海鮮鍋。本身今日晚食，但朋友今朝計劃有變，要取消。當佢員工中午後打黎confirm booking既時候，我同打黎既人講：唔好意思今晚黎唔到，麻煩取消booking。 我有禮貌地講既，點知我得到既回應係：喂阿小姐，你唔黎我地一早預左台俾你，你話唔黎早d出聲，預哂台俾你，我要俾其他人訂架，你咁遲講！佢既態度係奇差。完全無諗過餐廳既人咁既態度對客人。我回應返佢：我今朝先知，所以我而家話返你知我地黎唔到。佢竟然答我：小姐，我地廿四小時既個電話，你唔要台早d打黎架。跟住俾我聽到佢離開個電話講緊粗口。我最後唔想同佢再講落去，收左線。本身諗住食物都可以，可以再去，但咁樣既態度令我不得不寫個review。大把客人去到最後一刻先話你知佢黎唔到，甚至直接唔no show，食飯既計劃有變係幾容易發生既事，我自問唔係第一時間打返去，但我好有禮貌講唔好意思，無老鳳既態度，真係無諗過佢地員工咁樣對客人，態度十分差。 離哂譜！以後都唔想再去！