青悅 (已結業)

前幾日去呢間餐廳同屋企人食嘢，去到門口見到未有人叫入去坐就諗住等下，等咗15分鐘仲未見到有人招呼但明明入面冇咩客，D侍應同個女經理就企係入面唔理我哋。咁算啦我哋就自己入去坐，坐低之後又冇餐牌，咁我哋咪問個女經理攞餐牌，之後我哋照叫野食，我哋叫咗個豬排撈檬同生牛河，個牛河都叫正常，個豬排就粉粉地色好似未熟，於是我就同個女經理講啦，點知佢望完兩眼就話D豬排係咁架啦，完全冇諗住幫我換過份。我哋嬲到走人冇食……我諗體驗完今次嘅服務之後 應該唔會再幫襯呢間野