永利茶餐廳

營業中

休息中

有一晚,我同朋友收工之後,見覺得肚餓,於是去永利茶餐廳.點知惡夢就開始,首先入到去,d侍應都唔問客人幾多位,要自己搵位坐,我地見到有卡位,於是就坐底下來.跟住有個“木無表情”既侍應就放底兩杯茶,於是我同朋友就睇餐牌有咩好野食,我地睇左一陣,於是就舉手叫侍應落單,我同朋友分別落左個xx雞脾飯加七喜(冰分上)同xx肥牛河加凍田,等左大概一分鐘左右,罐七喜先到,但係個杯冰又唔係一齊上,要等到3分鐘之後先俾番杯冰我地,最麻煩係我杯凍田,我碟xx肥牛河到左,杯凍田都未到,你地話有冇搞錯,唔通冲杯野都要等5-6分鐘,同埋呢間茶餐廳d服務真係差得離譜,由其d侍應、廚房員工、水吧、收銀員,首先講下d侍應,客人入到來係唔係應該問下客人幾多位,然後招呼客人坐邊,唔係由客人自己去搵位坐,我最想提下d侍應係唔係應該將每杯飲品和每個餸放底俾客人之前,應該講聲果杯飲品同每樣食物係叫咩名,唔通就擺底就算數,如果客人叫左一杯凍央同一杯凍奶茶,同一時間你地將兩杯飲品放在檯上,然後走左,咁個客人又點知邊杯先係凍央邊杯先係凍奶茶,唔通又客人自己去分出邊杯先係凍央邊杯先係凍奶茶咩,同埋廚房員工、水吧好懶散,唔多想做野,又冇理