#OMG (已結業)

我同朋友一黎到已經見冇人帶位，自己去坐低。個時得一個人係樓面行來行去又唔係幫人落單，又唔係執緊嘢，又唔係出餐。坐左唔夠5分鐘我想搵個人叫嘢食，個廚師見到都想幫我搵待應先叫到佢。出餐唔算太耐，不過野食就非常麻麻... 但係中伏既位係餐飲度。茶水部等左20-30分鐘都係冇人係度，我地2個餐都食完先有一個人入茶水部。佢搞左5-6分鐘先搞到一杯嘢出黎，但係樓面又唔見左個唯一既待應，所以佢自己走出黎出個一杯嘢飲。之後有人埋單個茶水條友走去收銀... 收完長坐係收銀度。跟住原來有個待應食緊嘢，食完佢慢慢執自己餐具同碗。叫佢埋黎同佢講我地等左個餐飲好耐，佢好臭脾氣咁話得啦就走左去洗手做其他野。再搵個茶水佢出黎係比單我地，我朋友大聲少少同佢講我地等餐飲等左好耐佢先慢慢行番去整野飲。個食完飯既待應攞住我地個餐飲同個茶水嘈交又等左一排。成個過程所有樓面部同茶水部都黑口黑面。總結我完全唔建議任何人再浪費時間同金錢去呢個地方！