La Postre (已結業)

上次去咗尖沙咀嗰間分店食過，已經覺得環境裝修有心思，有個大大嘅鐘喺牆上面，待應醒目，而且食物質數好。不過無寫食評，今次再嚟銅鑼灣呢間，雖然店舖比尖沙咀細間，但喺枱邊都有擺放D小裝飾，牆上亦掛有不同嘅鐘做點綴，舒適而精緻。當然要介紹下啦。食物，我地叫咗芝士蟹餅、西班牙海鮮飯、蜜瓜黑毛豬(24個月)、西班牙豬手、啤酒煮蠔、青檸蜜桃沙冰、荔枝mojito、芒果mojito、朱古力布朗尼窩夫。基本上樣樣都好食，尤其是西班牙豬手&海鮮飯。西班牙豬手: 同其他嘅餐廳好唔同，因為佢並非原隻豬手上，而係已經切開咗，起咗肉，再撈埋個甜甜酸酸嘅醬汁&酸青爪、酸蒿頭、沙律菜等等嘅配料一齊，味道一流，也不肥膩，仲有一小杯蜜糖可以自行加埋入去，真係食唔停口。西班牙海鮮飯: 叫咗2人份量，但都足夠4個人食。有青口4隻、蜆、蝦4隻、仲有沙樂美腸。雖然無落到番紅花，但係個飯整得好入味，覺得飯比海鮮更加好味。另外亦要讚一下服務員先生，服務細心，除經常會主動添水、換碟之外，仲會用眼神同你交流，望一望就知道要攞個寫住Happy birthday嘅甜品出嚟，令到生日嘅人相當有驚喜。非常滿意。