影片
更多
2024-01-26
301 瀏覽
見荃新天地地下新開個小清新food court，裝修靚靚仔仔，諗住入去試下啦，而且另一位朋友話試過都幾唔錯；好！細佬就入去試下啦。。。點知真係十級谷氣！1. QR code落單，卻使用不能。我地坐低之後，職員打印QR code落單嘅單據比我地，我地試咗N次都唔得。諗住係咪有影嘅問題，再試都係唔work⋯放棄！要照職員過黎幫忙落單⋯2. 職員嘅態度。講真，職員說話語氣相當有禮貌，好客氣。但！我地睇緊menu食乜，只放低喺枱，準備同兩位朋友一齊討論下食乜好，正準備用手指指menu上嘅食物編號時，一位紅色頭髮嘅職員就走近，問都唔問就攞走咗枱上嘅所有餐牌。3. 飲品份量。我同我另一位朋友都選擇咗跟餐果汁，佢先落單，飲品好快送上，滿滿一杯紅色嘅士多啤梨soda？Anyway，不是重點。重點係，到細佬飲品到嘅時候，都係滿滿嘅一杯，不過係滿滿嘅一杯冰！杯入面嘅飲品只係去到杯嘅4份3。WHAT？水吧眼殘，送餐嗰位職員都眼殘嗎？4. 食物質素。味道又其實算幾唔錯，細佬叫嘅羊鞍，$138（另外加一，但其實冇乜service可言），醃得好入味，配菜份量亦都好足夠，薯條大量（不過都係要求職員先可以有茄汁食薯條
1. QR code落單，卻使用不能。我地坐低之後，職員打印QR code落單嘅單據比我地，我地試咗N次都唔得。諗住係咪有影嘅問題，再試都係唔work⋯放棄！要照職員過黎幫忙落單⋯
2. 職員嘅態度。講真，職員說話語氣相當有禮貌，好客氣。但！我地睇緊menu食乜，只放低喺枱，準備同兩位朋友一齊討論下食乜好，正準備用手指指menu上嘅食物編號時，一位紅色頭髮嘅職員就走近，問都唔問就攞走咗枱上嘅所有餐牌。
3. 飲品份量。我同我另一位朋友都選擇咗跟餐果汁，佢先落單，飲品好快送上，滿滿一杯紅色嘅士多啤梨soda？Anyway，不是重點。重點係，到細佬飲品到嘅時候，都係滿滿嘅一杯，不過係滿滿嘅一杯冰！杯入面嘅飲品只係去到杯嘅4份3。WHAT？水吧眼殘，送餐嗰位職員都眼殘嗎？
4. 食物質素。味道又其實算幾唔錯，細佬叫嘅羊鞍，$138（另外加一，但其實冇乜service可言），醃得好入味，配菜份量亦都好足夠，薯條大量（不過都係要求職員先可以有茄汁食薯條）。唯一細佬認為佢地可以改善嘅係，叫牛/羊鞍，係咪可以問下客人要幾多成熟？我朋友食牛扒，睇佢切出黎，幾乎well done，羊鞍呢，都有8成熟了。唔係「價錢同質素成正比」嘅問題，係professionalism嘅問題。
題外話/補充資料：
題外話，千祈千祈唔好坐圓形卡位，佢個磨菇形枱，完全冇空間比大家伸展雙腳，高人一等嘅朋友坐低之後，對腳都唔知放邊好，屈住極唔舒服！
(以上食評乃用戶個人意見 , 並不代表OpenRice之觀點。)
張貼