譚點 (已結業)

星期六，同兩位友人去試下特色點心。因為之前經過都有很多人在門口等位，所以想試一試到底有幾吸引。大概1：30到達，等了半個鐘左右有位。三個女仔點左9樣點心。黑松露蒸餃，咬落去有陣陣黑松露味，齒甲留香！甘荀咸水角，ok，新鮮炸起，好難唔好食。芥茉鯪魚卷（個名長，唔太記得）黃芥茉太多了，唔加會仲好食，而且好大件，仲有四件，抵食！芝士蒜蓉焗饅頭，好似中式蒜蓉包，好食！其他仲有泰式煎藕餅，章魚肉餅飯，黑魚子燒賣，一口漢堡等，全部都新鮮製作，熱辣辣，有水準之作。重點一提就係員工服務態度一流，不論收銀，侍應，傳菜，洗碗姐姐個個都好有Heart ，講多謝不下十次，去洗手間時，洗碗姐姐經過都會提醒客人小心地滑，個個都充滿笑容同熱誠！今時今日點心界有禁多競爭， 不單只用食物留住客人，服務態度也可留住客人個心，起碼已經留到我心！