榮記粉麵

營業中

休息中

叫咗碗墨魚頭豬腸牛肚河，隔籬位個阿姐叫咗墨魚頭牛肚米粉，個中年男夥計上咗一碗墨魚頭牛肚河粉比阿姐，阿姐見到唔係米粉就話唔係佢的，咁我見到啲餸都一樣就以為係自己的。點知食兩啖先發覺原來都係冇豬腸，之後個阿叔發現上錯嘢就話我地唔睇清楚，態度非常惡劣，我即反駁話唔係我地錯，點會知底個浸都係無豬腸？叫佢就咁改張單少一個餸又唔肯，隨即就拎左碗麵去倒。佢又唔承認自己做錯，之後仲要話返我轉頭，樓上啲客個個睇住我被佢話。講真碗麵唔係有咩特別好食，得個一粒鐘食個lunch都要受一肚氣，真係唔會再有下次！(ps最後個阿姐連碗麵都等唔到就走左)