影片
更多
2019-06-15
1456 瀏覽
我知，呢個地方其實係為左食新鮮日本海產，但係，我俾得呢個價都想有多小小笑容，多小小殷勤，同埋到有問題的時候，道左歉先。首先，我去左最入面，有bar枱,望住個海個度食lunch set, 我叫左個拉面，加三件壽司，朋友就叫左個壽司拼盤另外再加兩件壽司，lunch set 包salad & 麵豉湯。 食物唔錯的，但個女侍應真係一啲表情都冇，落單嘅時候望都唔望下個客，我問係咪可以坐室外，佢呆左5秒，好不情願地答我：你鍾意都可以攞出去的。🙄到俾錢的時候，我同收銀員講要儲Asiamiles, 就即刻同我講要過$300先可以儲，喂呀，通常人地計完數唔夠先同我講，計完數先講啦，我張單五百幾蚊啊！跟住網絡唔好，我load唔到app個QR code俾佢scan ,問可唔可以俾no. 佢入，一枝竹咁 唔理我，再load 都無，問多次，佢先問第個人可唔可以。其實呢個世上真係唔會只可用QR code 好唔好？ 好在我等左好耐最終都load 個QR code出嚟。然後我哋行咗出去揀甜品食，雪糕store via Tokyo。 我同朋友各人叫咗一杯雪糕，我第一啖食到雪糕裏面嘅紅豆有一塊白色嘅塑膠，其實都幾明顯嘅，
首先，我去左最入面，有bar枱,望住個海個度食lunch set, 我叫左個拉面，加三件壽司，朋友就叫左個壽司拼盤另外再加兩件壽司，lunch set 包salad & 麵豉湯。 食物唔錯的，但個女侍應真係一啲表情都冇，落單嘅時候望都唔望下個客，我問係咪可以坐室外，佢呆左5秒，好不情願地答我：你鍾意都可以攞出去的。🙄
到俾錢的時候，我同收銀員講要儲Asiamiles, 就即刻同我講要過$300先可以儲，喂呀，通常人地計完數唔夠先同我講，計完數先講啦，我張單五百幾蚊啊！跟住網絡唔好，我load唔到app個QR code俾佢scan ,問可唔可以俾no. 佢入，一枝竹咁 唔理我，再load 都無，問多次，佢先問第個人可唔可以。其實呢個世上真係唔會只可用QR code 好唔好？ 好在我等左好耐最終都load 個QR code出嚟。
然後我哋行咗出去揀甜品食，雪糕store via Tokyo。 我同朋友各人叫咗一杯雪糕，我第一啖食到雪糕裏面嘅紅豆有一塊白色嘅塑膠，其實都幾明顯嘅，我就叫個叫店員嚟睇吓，佢又係一啲反應都冇，攞住張紙巾，抹塊塑膠，睇來睇佢一句聲都唔出，喂，可唔可以講聲對唔住先呀？我見佢唔識比反應，我就同佢講：其實我哋都係想你小心啲姐。到呢一刻佢先鬆一口氣，同我講唔好意思。作為一間食肆，食物裏面夾雜唔食得的東東，除咗睇，講句sorry先啦。去到尾聲，我問可唔可以俾杯水我，竟然同我講：呢間係外賣店，冇水提供。哈！都幾得意喎，我係坐喺度食雪糕嘅。
喇，抹茶雪糕幾好食，我講緊嘅係服務態度，同埋成個品質管理都唔合格。
呢個築地山貴市場，新開張的時候都多人去的，去到後來根本就小貓三四隻，我會再去係因為唔使排隊。如果想多啲客，有修理一個價錢，唔該改善下服務質素。
張貼
