影片
更多
2022-08-27
1796 瀏覽
當日係weekday 嘅夜晚，見到餐廳都係fill house的，可見餐廳嘅人氣都頗高。提前一個月預先訂枱，終於試到呢間人氣法國菜！-🎈Appetiser中高價位嘅餐廳多數會提供一個appetiser/amuse bouche。係LPM落座後會見到枱面放左蕃茄、檸檬同刀。因為覺得佢實在太「呀位」，忍唔住問下店員先知原來呢一個係一個self-served salad。幾有趣嘅係上網見到每個人影相都會有呢個「裝飾」。有部份人唔知佢嘅用途，亦有部份人係懶得動手，而我哋就係太遲知道亦懶得動手😹 以呢個價位來說似乎寒酸左少少🙈除左呢個所謂嘅salad外亦有兩款法包任君選擇，麥味唔算出眾，勝在夠香脆。枱面放左橄欖油，如果要黑醋就需要另外問店員拎啦🙈推薦指數: 5/10-🎈Thinly sliced Octopus with Lemon and Green Chilli Dressing ($228)呢個應該算是LPM嘅Signature Dish了吧～ 呢個呈現方式暫時只係呢到見過😹一開始睇相以為佢係一條條八爪魚切薄片，點知原來係由幾條八爪魚圍埋一個圖形再切片。原理有少少似扎肉！用咗lemon做d
當日係weekday 嘅夜晚，見到餐廳都係fill house的，可見餐廳嘅人氣都頗高。提前一個月預先訂枱，終於試到呢間人氣法國菜！
-
🎈Appetiser
中高價位嘅餐廳多數會提供一個appetiser/amuse bouche。
係LPM落座後會見到枱面放左蕃茄、檸檬同刀。因為覺得佢實在太「呀位」，忍唔住問下店員先知原來呢一個係一個self-served salad。幾有趣嘅係上網見到每個人影相都會有呢個「裝飾」。有部份人唔知佢嘅用途，亦有部份人係懶得動手，而我哋就係太遲知道亦懶得動手😹 以呢個價位來說似乎寒酸左少少🙈
除左呢個所謂嘅salad外亦有兩款法包任君選擇，麥味唔算出眾，勝在夠香脆。枱面放左橄欖油，如果要黑醋就需要另外問店員拎啦🙈
推薦指數: 5/10
-
🎈Thinly sliced Octopus with Lemon and Green Chilli Dressing ($228)
呢個應該算是LPM嘅Signature Dish了吧～ 呢個呈現方式暫時只係呢到見過😹一開始睇相以為佢係一條條八爪魚切薄片，點知原來係由幾條八爪魚圍埋一個圖形再切片。原理有少少似扎肉！
用咗lemon做dressing味道幾fresh，因為係薄片所以都好入味，但同時會無咗八爪魚個口感。軟軟腍腍幾開胃，未食過的可以一試😋推薦指數: 8/10
-
🎈Snails with Garlic Butter and Parsley ($228)
食法國菜又點少得snails🐌 未必個個接受到食snails，不過如果你食嘅話LPM唔會令你失望！一入口係好香的蒜同牛油味，輕輕一拮就可以拎到肉出來。係食完會想再食的dish😋
推薦指數: 9/10
-
🎈Grilled Sagabuta Pork ($368)
強烈推薦叫呢款烤豬，雖然睇落好細份但超好食～ 表面烤到微焦，焦香感非常突出。內裏依然呈嫩粉色，靚豬仔先可以做到的😹調味不多，但很好地帶出豬肉的味道。
推薦指數: 9/10
-
🎈Homemade Pappardelle with Veal Ragú ($258)
法餐份量一般比較「精緻」，為咗填飽小肚子特意叫的一份意粉。Pappardelle 呢款意粉比較闊身一點，口感唔錯。醬汁方面以肉醬為主，肉味極突出，甚至我自己覺得有點over咗😹 相對其他dish嘅出色程度，呢一份意粉就有點被比下去了。
推薦指數: 7/10
-
🎈Potato Gratin ($108)
再一份為咗填飽個肚而點的，不過真係飽到唔需要再點其他澱粉質。LPM嘅焗薯係切片再焗的，味道超超超creamy！
推薦指數: 8.5/10
-
🎈French Toast with Spice Ice Cream ($128)
另一款LPM的signature dish！佢同想像中嘅 French Toast唔一樣在於佢表面嘅一層焦糖，而內裏會比較軟糯濕潤。
食落會似焦糖蛋糕多啲😹 旁邊嘅雪糕亦別出心裁，用香料入饌。味道獨特到唔係每個人都識欣賞，而上面嘅Honey Crunch 就更合乎我口味～ 推薦指數: 8/10
-
🎀總括而言🎀
整體食物質素不錯，合乎價錢預期。二人分享的話叫焗薯比意粉更好。環境同服務反而有點跟唔上價錢同咁高質嘅食物。
首先，餐廳嘅枱偏細，而西餐一般都係大大隻碟，細細份食物。如果係一人叫一份Main的話位置都勉強夠，中意share小食嘅話就會非常逼🥲
再者，Self-Served Salad呢個idea幾得意，但照我當晚嘅觀察店員並唔係每一枱都會介紹。雖然食到中途會有staff循例詢問你覺得野食點，但都無挽回到服務上嘅整體分數。
不過整體嚟講，基於食物質素上都係值得推薦嘅🥲
推薦指數: 8/10
張貼
