華豐燒臘專家 (已搬遷) 新店位置

呢一間華豐裝修得唔錯，裝修有舊香港嘅味道。今日剛好有下午茶，所以我就食咗佢哋嘅叉燒飯加例湯，共＄40叉燒上台嘅時候，見到大大嘅碗裝住下午茶份量嘅飯，以為係迷你版但係其實都非常夠食。望上叉燒蓋滿飯，色澤非常之靚，叉燒份量亦有好多，幾低食！叉燒嘅水準還可以。肉比較瘦。雖然不至於超柔軟好味，但這個價錢的份量算不錯了。敗筆在於飯非常之乾，又硬。完全無飯味。食飯無飯氣，真係太令人失望了。而且落左非常之多鼓油，全部飯都浸滿鼓油，係咸到喊！廚師可能唔記得咗呢個係下午茶嘅份量，所以啲飯係冇例牌咁多嘛！啖啖鼓油，唯有多飲湯，多飲水冲淡咸味。例湯啊係排骨紅蘿蔔熱辣辣上碟，唔錯！原本呢都冇乜人，都幾好坐。但係唔知點解有好多蚊。雖然未經秋天了，我着咗條短褲坐左唔夠五分鐘，已經比蚊咬左兩啖，由於我係坐沙發位所以索性將隻腳擺埋上椅盤坐。冇辦法啦仲要食埋餐飯，一路俾啲蚊咬落去真係無癮！要滅蚊了！不過值得一讚係呢度啲員工工作嘅態度唔錯。見佢哋會將之間融合相談，而且笑容滿面。呢點係我唯一最欣賞嘅地方。