The Pizza Pig

營業中

休息中

本身落order嘅時候都已經講咗係生日，同埋要寫生日字句。預約咗12:45，12:50我哋到達，等咗2分鐘先有服務生理我哋，一開口就嬲爆爆咁話我哋遲到，所以張枱已經俾咗人，仲刪埋我哋個名，後來我哋講話我哋係預約12:45喎，服務生先至知道自己搞錯咗，即刻俾返張枱。後來覺得唔對路，即刻都同服務生講話要生日字句。食完飯收囇啲碟之後，原來唔識得上甜品。我哋一路坐，隔咗一輪先有服務生行過嚟問甜品上得未😂去到最後，佢都係當我哋冇Booking咁樣，冇咗個預約嘅九折。唉。。。其實出品食物都幾好，但服務生嘅質素真係有待改善，至少唔好成日黑曬面咁。