影片
更多
2024-01-14
1355 瀏覽
星期日夜晚去叫外賣，俾完錢就行返出去等外賣啦，廢事企喺舖頭入面阻住人做生意。我張單係寫住"外賣9"跟住等咗4, 5個字都仲未見有staff拎外賣出嚟叫number，咁我咪行入去問個staff"外賣9"有未，個staff話有喇，再指一指枱面。我問：下，你地唔拎出嚟唔叫number㗎？Staff理直氣壯咁講: 我地唔叫㗎。我再問：咁我落單嗰陣你唔講嘅？ 跟住個staff就無再睬我繼續做自己嘢。我心諗，你唔叫，咁你張單整個外賣number嚟托啊？你expect個客好似袋鼠同熊貓咁自己入嚟拎你都講聲丫。嫩雞煨麵 $78因為唔知個外賣放咗喺枱幾耐，啲麵已經"淋"到唔洗咬都會爛雞火炒飯 $98個炒飯都無影相，不過都無咩值得影，無咩餸，衰過茶餐廳啲炒飯真係食茶記都無咁嬲。總結： 價錢唔平，又唔好食，入面啲staff就個個都係唔想做咁嘅面口。不可一，不可再。
跟住等咗4, 5個字都仲未見有staff拎外賣出嚟叫number，咁我咪行入去問個staff"外賣9"有未，個staff話有喇，再指一指枱面。
我問：下，你地唔拎出嚟唔叫number㗎？
Staff理直氣壯咁講: 我地唔叫㗎。
我再問：咁我落單嗰陣你唔講嘅？
跟住個staff就無再睬我繼續做自己嘢。
我心諗，你唔叫，咁你張單整個外賣number嚟托啊？你expect個客好似袋鼠同熊貓咁自己入嚟拎你都講聲丫。
嫩雞煨麵 $78
因為唔知個外賣放咗喺枱幾耐，啲麵已經"淋"到唔洗咬都會爛
雞火炒飯 $98
個炒飯都無影相，不過都無咩值得影，無咩餸，衰過茶餐廳啲炒飯真係食茶記都無咁嬲。
總結： 價錢唔平，又唔好食，入面啲staff就個個都係唔想做咁嘅面口。不可一，不可再。
張貼
