沙嗲王 (已搬遷) 新店位置

原本沙嗲王的食物是好味的，本人都多次惠顧過其他分店，但自從上次去海防道果間...........本人十二點幾去，當時門口無人，店內亦只有客人並沒有職員，無人安排坐位，我只好自已入座，等左一陣先有人出來招呼，一來就問我幾多位，我話一位，咁佢就叫我坐去d二人位，但當時全店只有小貓三四隻，跟住個職員又同我講話如果唔介意同其他人一起坐，咁都可以唔駛調....我都唔理佢啦，坐回原位啦.....點知...正當我想點菜時，有三個客入左來，個職員就叫我調位，話我果張係三人位。我都忍佢....調就調(其實我坐邊度都無咩所謂..)跟住我見佢地好似剛剛開門...咩都未準備好咁..我就問佢如果落ORDER會唔會等好耐，因為我都幾趕時間，想快快食完就走。就同我講話都要等(態度好差)。結果我當然係唔食啦！真係想爆粗，咩都未準備好就開門做生意。不知所謂....以後都不會去呀！