影片
更多
2022-01-01
655 瀏覽
食物質素方面, 唔再多講啦, 好多人都寫咗, 只係份量好大件, 但質素好一般, 同普通茶餐廳一樣.相都費事影！今次係第２次幫襯, 前一次都唔係有好嘅經驗, 諗住畀多次機會佢, 點知今次仲衰!! 以後唔會再去.昨晚六點半去到, 唔使等位, 直上上面嗰層閣樓, 我接近5呎11吋高, 佢比角落頭一張細到無論嘅枱畀我哋兩人打對面坐, 我坐唔到, 轉咗去中間嗰d 2人檯, 個阿姐已經有少少黑面. 好啦, 跟住啲衰嘢陸續有嚟, 首先來餐包, 我老婆都未食完個包, 佢就收手走左件牛油!! 之後, 件扒擺低唔夠兩分鐘, 就問我地飲乜嘢? 咁我話食完先啦, 佢又黑面......好啦, 食完扒, 之後好快擺低兩杯雪糕, 嗰幾粒棉花糖雪到硬曬, 仲硬過石頭!! 叫人點食呀? 完全冇誠意! 之後我食食下雪糕, 佢突然間叫我拎起個雪糕杯, 要收走下面嗰張紙!! 你有咩咁急要即刻收起張紙呀? 個客食緊嘢㗎!! 見佢咁趕客, 我就 順手叫埋飲品啦, 我老婆要凍檸茶少甜走冰, 我要凍咖啡走冰, 結果杯檸檬茶甜到好似落咗兩倍糖
今次係第２次幫襯, 前一次都唔係有好嘅經驗, 諗住畀多次機會佢, 點知今次仲衰!! 以後唔會再去.
昨晚六點半去到, 唔使等位, 直上上面嗰層閣樓, 我接近5呎11吋高, 佢比角落頭一張細到無論嘅枱畀我哋兩人打對面坐, 我坐唔到, 轉咗去中間嗰d 2人檯, 個阿姐已經有少少黑面. 好啦, 跟住啲衰嘢陸續有嚟, 首先來餐包, 我老婆都未食完個包, 佢就收手走左件牛油!! 之後, 件扒擺低唔夠兩分鐘, 就問我地飲乜嘢? 咁我話食完先啦, 佢又黑面......好啦, 食完扒, 之後好快擺低兩杯雪糕, 嗰幾粒棉花糖雪到硬曬, 仲硬過石頭!! 叫人點食呀? 完全冇誠意!
之後我食食下雪糕, 佢突然間叫我拎起個雪糕杯, 要收走下面嗰張紙!! 你有咩咁急要即刻收起張紙呀? 個客食緊嘢㗎!! 見佢咁趕客, 我就 順手叫埋飲品啦, 我老婆要凍檸茶少甜走冰, 我要凍咖啡走冰, 結果杯檸檬茶甜到好似落咗兩倍糖咁樣! 而我果杯就嚟咗加冰齋啡! 我問亞姐, 點解杯咖啡冇奶? 佢話凍啡係冇奶㗎! 呢下真係辣著咗我個同我老婆! 有另外一位阿姐即刻走埋嚟， 話幫我加返啲奶。 而老婆就堅持要換過杯檸檬茶。 今次講明啦， 你聽清楚我要少甜， 跟住嗰個阿姐話， 不如你要走甜喇！ 頂！ 跟住我老婆發曬脾氣， 話要少甜， 唔係走甜！！ 你係咪唔識聽？ 後面就有條類似老細嘅男人， 喺後面講， 我點知你要幾甜？ 俾杯糖水佢， 俾佢自己加啦！！ 真係 ＸＹＺ％＄︿＄＆＄＆！
呢間嘢服務態度簡直垃圾！ 如果你有被虐狂， 或者試下佢哋嘅服務態度， 就請隨便去！
張貼