影片
更多
2021-06-23
670 瀏覽
-長評-首先我地落單 有個新黎嘅侍應黎落我地想要兩個G餐 香煎牛柳+大蝦+蒜香天使麵$148（怕佢聽唔清楚 特登講做Girl)之後再落左個龍蝦餐加塊扒 $228仲有一個因為父親節特別送嘅C餐 落單落到尾聲 個侍應問我地食G餐嘅幾成熟 要咩汁 我哋嗰時唔為意 所以答埋幾成熟同要咩汁當啲嘢食嚟到嘅時候 龍蝦餐同埋C餐係啱嘅點知G餐黎到 變咗舊西冷牛扒 （到最後我哋睇返個Menu先知係西冷牛扒）但因為我哋平時都唔係好識分扒類嘅樣 所以冇質疑佢 以為係牛柳 照食住先同埋冇嗰隻大蝦係個碟度 我哋仲特登問個侍應「請問嗰隻大蝦係咪會跟埋天使麵先上」佢答我地「係呀」到食咗大概半個鐘到個天使麵都仲未嚟 我哋就搵嗰個經理 問佢「我哋個餐有個天使麵好耐都未嚟可唔可以幫我哋check吓」個經理check完之後同我哋講「但係佢落咗係B餐喎」咁我哋梗係好愕然啦原來自己食緊另一個餐之後我哋就話「但我哋本身其實係想食蝦 先叫果個餐 你既然落錯單可唔可以送返隻蝦俾我哋？」個經理個樣係即刻黑晒面 從頭到尾一句sorry都冇仲要喺度發脾氣咁答「咁我都要問吓廚房整唔整得俾你㗎喎」咁我哋就等佢問啦 然後佢完全一個答覆都冇俾我哋
首先我地落單 有個新黎嘅侍應黎落
我地想要兩個G餐 香煎牛柳+大蝦+蒜香天使麵$148（怕佢聽唔清楚 特登講做Girl)
之後再落左個龍蝦餐加塊扒 $228
仲有一個因為父親節特別送嘅C餐
落單落到尾聲 個侍應問我地食G餐嘅幾成熟 要咩汁 我哋嗰時唔為意 所以答埋幾成熟同要咩汁
當啲嘢食嚟到嘅時候 龍蝦餐同埋C餐係啱嘅
點知G餐黎到 變咗舊西冷牛扒 （到最後我哋睇返個Menu先知係西冷牛扒）
但因為我哋平時都唔係好識分扒類嘅樣 所以冇質疑佢 以為係牛柳 照食住先
同埋冇嗰隻大蝦係個碟度 我哋仲特登問個侍應「請問嗰隻大蝦係咪會跟埋天使麵先上」佢答我地「係呀」
到食咗大概半個鐘到個天使麵都仲未嚟 我哋就搵嗰個經理 問佢「我哋個餐有個天使麵好耐都未嚟可唔可以幫我哋check吓」
個經理check完之後同我哋講「但係佢落咗係B餐喎」
咁我哋梗係好愕然啦原來自己食緊另一個餐
之後我哋就話「但我哋本身其實係想食蝦 先叫果個餐 你既然落錯單可唔可以送返隻蝦俾我哋？」
個經理個樣係即刻黑晒面 從頭到尾一句sorry都冇
仲要喺度發脾氣咁答「咁我都要問吓廚房整唔整得俾你㗎喎」
咁我哋就等佢問啦 然後佢完全一個答覆都冇俾我哋廚房肯唔肯整
到最後送咗兩隻細蝦俾我哋（但佢都係冇同我哋講廚房話肯整 係突然之間擺咗喺我哋枱面）
之後我哋check返個Menu原來佢幫我哋落錯嘅B餐係 $二百幾蚊
咁我哋到最後買單嘅時候因為好唔滿意佢嘅服務態度 再加上 我哋自己原本嗌嘅G餐只要$百幾蚊 而家佢幫我哋落錯咗我仲要比多百幾蚊佢 仲要受佢氣？
我哋先唔會囉所以我哋同嗰個態度差到爆嘅經理講返條數 而家係佢落錯單 再加上我哋唔係特登R着數 所以我哋叫佢收返我哋本身G餐嘅價錢
點知佢黑哂面咁答我哋一句「咁我都好難做姐」
我哋即刻勁嬲答返佢「咁唔好意思囉」
到最後佢都死死地氣咁樣收返我哋原本個餐嘅價錢 $148
身為一個經理 新人做錯事 到最後一句唔好意思/sorry都冇 仲好似趕我哋走咁
總結：我建議大家得閒可以去睇吓嗰個經理嘅服務態度 都可以親身感受下佢嘅漫不經心 死死地氣咁嘅service 真心唔知點解佢咁嘅質素都可以做到經理 總之以後都唔會再去
張貼