極尚大喜屋 (加連威老道) (已結業)

今日同個姐妹Shopping完，佢就帶我嚟食大喜屋放題。因為佢話之前都食過幾次，所以值得帶我再嚟試下。我哋食五點半果場覺得位置好舒適！刺身-有我最愛嘅赤海蝦三文魚同甜蝦 好鮮甜呀壽司-都有好多選擇有我最鍾意嘅花之戀同三文魚腩！細細件一啖一口好啱我哋女仔嘅胃呢度仲有超新鮮嘅海膽軍艦！！值回票價另外仲有我最鍾意嘅蟹子軍艦，卜卜脆另外仲有冷盤嘅選擇推介-胡麻醬蟹籽豆腐、泰式鳳爪第二輪就係熟食時間！極上之推介-咖喱大蟹！呢個咖喱汁真係好野味！充滿蛋花蟹肉又新鮮！舔舔脷黃金大蝦-超香脆又入味！鹽燒海蝦-超正呢加上檸檬汁大推介蒲燒鰻魚串真係大大件啖啖肉！總括來講，呢度嘅食物選擇非常之多，而且最推介係員工服務態度超好！依家放題咁多間要搵間好服務嘅真係唔多！所以大讚呢！下次一定會再嚟！