影片
更多
2021-02-04
360 瀏覽
想喺將軍澳飲杯咖啡，NOC 同Urban coffee roaster都冇位所以嚟咗呢間新咖啡舖。裝修非常精緻，有戶外座位，室內都有沙發。睇得出係一間有用心裝修嘅咖啡舖。一入到舖頭都有油煙味，可能係小鋪加開放式廚房嘅關係，問題唔算太大但係可以改善。我下午四點幾嚟到，見到幾個職員企喺收銀處閑談，見到佢哋好似等緊放工咁。距離6:00pm收鋪其實仲有個幾鐘，但係睇得出啲同事已經好想放工。落單只係收現金同埋轉數快，我嘅現金唔多所以我想試吓用轉數快。我問過收銀點樣比轉數快，佢就用一個好奇異嘅眼光望住我然後隻手指指落去一個電話號碼度。其實如果我識用就唔使問你啦，我喺出面其他舖頭用轉數快付款係可以掃QR code 㗎，我係唔知道你嘅轉數快係要key in一個手提電話號碼㗎你可以教一教我既。另外我問個職員有冇洗手間，個職員叫我去天晉三期，我明明見到佢哋係有洗手間既就寫住Staff only。根據食物牌照餐廳係一定要提供洗手間顧客，你叫我去另外一個隔離街嘅商場廁所咁即係唔符合食物牌照嘅要求。我叫咗兩杯咖啡兩個甜品，其實質素唔差，擺咗啲花瓣係好打卡able嘅。但係職員嘅態度真係唔係好得，其實唔使你照顧啲客
一入到舖頭都有油煙味，可能係小鋪加開放式廚房嘅關係，問題唔算太大但係可以改善。我下午四點幾嚟到，見到幾個職員企喺收銀處閑談，見到佢哋好似等緊放工咁。距離6:00pm收鋪其實仲有個幾鐘，但係睇得出啲同事已經好想放工。
落單只係收現金同埋轉數快，我嘅現金唔多所以我想試吓用轉數快。我問過收銀點樣比轉數快，佢就用一個好奇異嘅眼光望住我然後隻手指指落去一個電話號碼度。其實如果我識用就唔使問你啦，我喺出面其他舖頭用轉數快付款係可以掃QR code 㗎，我係唔知道你嘅轉數快係要key in一個手提電話號碼㗎你可以教一教我既。
另外我問個職員有冇洗手間，個職員叫我去天晉三期，我明明見到佢哋係有洗手間既就寫住Staff only。根據食物牌照餐廳係一定要提供洗手間顧客，你叫我去另外一個隔離街嘅商場廁所咁即係唔符合食物牌照嘅要求。
我叫咗兩杯咖啡兩個甜品，其實質素唔差，擺咗啲花瓣係好打卡able嘅。但係職員嘅態度真係唔係好得，其實唔使你照顧啲客人照顧得好似靚餐廳咁，淨係唔好好似想趕走晒啲客等你快啲收工就OK。
張貼