Dorsett Café

營業中

休息中

是日星期日，透過某app訂半自助午餐有9折，又近近地屋企，所以嚟試吓。入口不太美觀，但入去後是可以的。服務員亦熱心帶位，細心服務。餐廳座位不會迫，擺設優美，靜靜地，好悠閒舒適。本自助午餐可選一款主菜，然後沙律吧和甜品是任食的。沙律吧新鮮，種類還可，質素不俗。甜品不俗，有D牌雪糕雪條批任食，雖然冇咩味道揀，但係都算好有誠意啦！野飲係一般嘅茶啡。主菜選了微辣的三文魚意粉，好香，雖然有少少油，但係新鮮炒，意粉有彈性，香氣撲鼻。誠意之作。食到咁上下，侍應以英文提醒我沙律吧就快收了(2:30pm) ，叫我有咩想食就拎左先,都好貼心。埋單折扣後約130元。good deal!