麗香園冰室 (大窩口商場) (已結業)

大窩口分店服務其差，晚上去幫襯嘅時候食物已經唔熱，湯只係微溫，都算，點知熱奶茶上枱嘅時候，好明顯係沖定放咗一段長嘅時間唔熱嘅，稱唔上係暖添，同侍應姐姐講更換一杯熱嘅俾我哋，經理叫侍應阿姐淨係攞咗去微波爐叮熱，仲話係我哋放得耐凍咗，我諗奶茶都係貴公司主打嘅食物之一，品質唔會控制咁差掛淨係叮熱俾客人？而且經理仲同我哋理論飲品係送嘅，請問貴公司嘅意思係指我哋冇俾錢食飯定係你哋所指嘅「送」係唔需要負責品質同質素？另外食物嘅數量都好參差，我哋叫嘅例牌砂礓雞，肉份量仲少過一隻雞髀，俾晒啲下欄雞皮我哋，同相片所展示嘅份量相差極遠。今次嘅光顧對貴公司極度失望。