瑪拉小廚 (已結業)

是日係我媽媽的生日前2天訂了2030晚飯時間早左15分鐘到達，去到見到鋪面坐滿好忙碌，咁我先同店員說明我訂左位雖然佢地好忙，但都出黎招呼我叫我睇住menu先，仲可以嗌定野食，坐低就唔洗等咁耐終於2035就有位啦，其實鋪面都唔算大，不過坐落都舒適既我地一家4個人嗌左四季pizza，鐵板燒雞腿肉，印度咖喱牛腩，薄餅，海鮮燴意大利飯5味，以我家4個人應該唔算多，但係食落原來幾大碟下，食晒都好飽。野食都好好食。到臨尾店面突然間熄燈並且播生日歌，然後店員拎住個插左蠟燭既甜品出黎同我媽媽講句happy birthday，我媽媽都好驚喜，碟邊仲幫我畫左句happy birthday to my mum成餐飯我地屋企都好滿意，餐廳既位置唔係好旺既位置，但正正可能係咁，餐廳用一種靠口碑既方法去經營，不論服務還是食物質素都非常好。呢間小店我會再去支持。最後再多謝餐廳每一位店員帶俾我媽媽一餐好開心既生日飯。