Texas Burger (已結業)

大家都知朗豪坊頂層好多餐廳架啦，所以今次我地就決定一戰果度間Texas Burger😋只此一間，冇其他分店㗎！今次，我地叫左個藍芝士牛肉漢堡🍔個包都幾大個，而且好厚，無可能一啖咬到🤣個包烘到有啲脆，塊肉好Juicy，咬落去唔韌，加埋啲Blue Cheese醬令成個漢堡包提升一個層次！但係可能佢啲油落得比較多，所以食完已經覺得膩🤯佢隔離都擺左個酸瓜同薯條。首先個酸瓜好大條，但係真係好酸😂而薯條就係普通粗薯條，無乜嘢特別我地另外都叫左個墨西哥芝士夾餅，佢有得比你揀脆皮或者軟皮，我地揀左脆皮但係因為太脆食到周圍都係😂如果佢有比個碗裝住可能會比較好啲！個夾餅同個漢堡包都有芝士，食到好膩好玩命😂！反而果杯雜莓奶昔🍓有驚喜！莓味好夠，唔會太膩，幾好飲，推薦推薦🤤依度嘅座位唔算多，撞啱Lunch嘅時間黎，大家都要預啲啲時間排一排隊呀！都想讚下嘅係每一張檯佢都擺左洗手液同濕紙巾比大家，幾貼心❤️