影片
更多
2022-08-14
2160 瀏覽
咁啱今個星期五朝早肥妹仔要去尖沙咀嗰邊做嘢，做完嘢啱啱撞正午餐時間，同同事經過海港城見到呢一間叫粵藝館嘅中菜廳。睇餐牌價錢唔太貴但點心質素又好似幾高咁，所以肥妹仔同同事就入咗去試吓。入到去未食已經嘩咗！因為佢對住係成個維多利亞港，而且枱同枱之間嘅位置非常闊落，坐得好舒服。無花果咕嚕肉平時肥妹仔食開嘅咕嚕肉都係伴罐頭菠蘿，但係今次係無花果。未食之前望落去已經覺得好靚，食咗仲正！佢嘅咕嚕肉皮脆肉嫩，每一粒都肥瘦適中，而且外皮包住香甜既麥糖，食落去香甜軟糯，非常驚喜！佢嘅無花果亦都係炸到外表鬆脆，入邊非常之香甜，試咗返唔到轉頭。參蜜焦香叉燒佢嘅叉燒亦都非常出色，外表燒到好香脆，包着一層香甜嘅參蜜，而且肥瘦適中，肉質又有咬口，係肥妹仔好鍾意食嘅叉燒。香煎原味蘿蔔糕啱啱上枱嘅時候就咁睇非常普通，但係食落去一啲都唔差！佢嘅蘿蔔絲好粗，而且外表煎到非常香脆，點辣醬食非常之香口惹味。鮑魚燒賣肥妹仔係Menu都見到燒賣上面有粒好大嘅鮑魚，流晒口水，所以叫咗嚟試！燒賣好好食，入邊既肥豬肉一啲都唔肥膩，好香。避風塘蝦餃肥妹仔第一次食避風塘蝦餃，佢係將個蝦餃炸到香脆，然後加上避風塘嗰啲配料例如炸蒜蓉辣椒等等，
入到去未食已經嘩咗！因為佢對住係成個維多利亞港，而且枱同枱之間嘅位置非常闊落，坐得好舒服。
無花果咕嚕肉
平時肥妹仔食開嘅咕嚕肉都係伴罐頭菠蘿，但係今次係無花果。未食之前望落去已經覺得好靚，食咗仲正！佢嘅咕嚕肉皮脆肉嫩，每一粒都肥瘦適中，而且外皮包住香甜既麥糖，食落去香甜軟糯，非常驚喜！佢嘅無花果亦都係炸到外表鬆脆，入邊非常之香甜，試咗返唔到轉頭。
參蜜焦香叉燒
佢嘅叉燒亦都非常出色，外表燒到好香脆，包着一層香甜嘅參蜜，而且肥瘦適中，肉質又有咬口，係肥妹仔好鍾意食嘅叉燒。
香煎原味蘿蔔糕
啱啱上枱嘅時候就咁睇非常普通，但係食落去一啲都唔差！佢嘅蘿蔔絲好粗，而且外表煎到非常香脆，點辣醬食非常之香口惹味。
鮑魚燒賣
肥妹仔係Menu都見到燒賣上面有粒好大嘅鮑魚，流晒口水，所以叫咗嚟試！燒賣好好食，入邊既肥豬肉一啲都唔肥膩，好香。
避風塘蝦餃
肥妹仔第一次食避風塘蝦餃，佢係將個蝦餃炸到香脆，然後加上避風塘嗰啲配料例如炸蒜蓉辣椒等等，非常之好食之餘亦都好創新。
牛肉腸粉
肥妹仔對於腸粉冇咩要求，最緊要係個皮夠薄同滑，佢亦都做到！
瓦缸啫啫唐生菜
就咁白灼係一個非常無味，但佢用啫啫嘅方式去烹飪，非常之香口惹味，肥妹仔超想叫一碗白飯去L撈黎食。
紅杞花雕雞
其實就係醉雞，佢嘅醉雞好滑，而且佢嘅酒香好濃，肥妹仔不嬲都鍾意食濃酒味嘅醉雞，深得我心。
張貼
