文華扒房及酒吧

營業中

休息中

文華扒房比我既印象係，坐落係中環核心地段，黎食飯都係高級商界名人，午餐時段坐係到食飯望住太子大廈，望住下面返工既中環白領，別有一番風味。黎呢到食飯唔係食飯咁簡單，更重要既係享受佢嘅華麗精致，佢menu 唔需要成日有新款，最簡單既菜式都好用心製作，由佢個麵包、前菜，佢既擺設，味道都非常用心。頭盤點左個佢哋都幾出名既煙三文魚，上台有專人幫你切，因為我哋一男一女黎，我哋想叫一份share 佢就推介我哋可以叫一份係ladies cut ，顧名思義就係切一份比女仔，比叫兩份小一啲，又可以一份男一份女食，唔使自己分得咁尷尬。我好貪心所有配料都要試。之後我係其他餐廳都食唔返咁好食既煙三文魚🤭🤭🤭文華拉高晒個水準啦！前菜叫左個吞拿魚同油甘魚。肥美。兩款都配左啲偏微酸既蔬菜醬中和返。牛，超級完美。下面嗰個係臉頰肉，好食到不得了。之後我都有再去食文華，比我既享受始終如一。