ENSŌ

營業中

休息中

剛剛打完風球，走去堅尼地城海旁，想感受一下餘下風力，結果是風平浪靜。但天氣清涼乾爽，好舒服，逛逛也無妨。見對面有一間又似係日式料理店，又似係酒吧餐廳，橫掂午飯時候，於是乎試吓。看過餐牌，價錢算合理。西京銀鱈魚定食 $228賣相不錯。沙律清清喉嚨。銀鱈魚嘅調味恰到好處，惹味得來又不會太鹹太甜，魚肉肉身滑溜，啖啖肉。配菜醃蒜粒好味。最後一碗暖胃麵豉湯。坐在吧枱，望住對面海旁的風景，享受住美食，真係好幸福。