香港嘉里酒店大堂茶座

營業中

休息中

唔講唔知原來紅磡多左一間咁高級既酒店，環境清優，仲有無敵大海景！今次試左佢個三點三下午茶，其實兩點半就有得食，無得book位，要walk in，但可能太新未有好多人知，所以根本唔需要等位，一去到就安排入坐啦，如果天氣涼啲可以坐露天位！呢個afternoon tea既咸點好出色！三文魚蝦片，蟹肉麵包，鴨肝醬多士，黑松露蛋包，樣樣都好足料，而且好味。甜點就相對有啲失色，大部份都偏甜，不過芝士撻係唔錯既，酥片脆卜卜，亦有流心。而且飲品係無限refill，坐好耐都得。不過因為我地早左到，職員話未有乾冰，就無左仙境效果，有啲可惜。