藍象泰國餐廳 (已結業)

泰國菜真係食極都唔厭，今次就嚟咗呢間，幾有情調，幾有feel。坐得舒服之餘又望到過海。叫咗個肉碎包生菜。肉碎調味得幾好，唔會太鹹，而且食晒生菜配飯食都好食。之後叫咗個青咖喱牛，比起出邊嘅青咖喱呢度嘅比較creamy，好似落咗多啲淡忌廉嘅感覺。而佢嘅牛都好嫩。叫咖哩當然要配鬆餅，佢個鬆餅本身已經有味，就咁食都好好味，配埋咖喱一流。我哋仲叫咗芒果糯米飯，好精緻，夠特別又好食。當然最後叫咗呢度最出名嘅榴槤撻。真心好好食！會係每一次黎都必嗌嘅嘢。