影片
更多
2023-01-19
1161 瀏覽
上星期同一班foodie朋友去左海港城試新開既一間中式海鮮餐廳。由新加坡總廚張偉忠師傅主理，餐廳主要食海鮮，每款都可以有高達十幾種既煮法，包岩你口味。另外仲有片皮鴨同其他小菜食。當晚試左8道菜，每道菜都係功夫菜，俾勁多心機落去整。仲要望住維港景，野食好食得黎景色又靚既餐廳真係唔多，黎緊農曆新年同屋企人食飯或者平時聚餐，呢到都絕對係一個好選擇👍🏻〰️〰️〰️〰️〰️〰️〰️〰️〰️〰️〰️〰️〰️〰️〰️✨川辣口水雞 雞肉嫩滑，味道層次豐富，辣中帶香，香中帶麻。✨48小時熟成煙燻片皮鴨 呢個片皮鴨可以話係中西合壁！片皮鴨先熟成48小時，再以香片茶葉及木碎煙燻，低溫燒再搶皮逼油，燒出黎鴨皮酥脆鬆化，而鴨胸則肉嫩多汁。配埋秘製片皮鴨醬、青椒醬、哈蜜瓜同蔥食更滋味😋✨米椒菜脯蒸北海道元貝北海道元貝大隻厚肉到不得了，配菜脯蒸我真係第一次食。辣辣地又多一層爽脆口感，連埋索曬汁既粉絲一齊食真係無得輸🤤✨黑胡椒焗生猛大肉蟹凈係呢個蟹都有成十幾款煮法，根據你既口味為你度身訂造，都好多煮法我係連諗都冇諗過😂由於我唔係好識拆蟹，所以食左個蟹鉗。啖啖肉，黑胡椒味香得黎都幾辣下。黑胡椒粒係張師傅專登係新加坡運返黎架，係香港食唔到既味道。正宗
當晚試左8道菜，每道菜都係功夫菜，俾勁多心機落去整。仲要望住維港景，野食好食得黎景色又靚既餐廳真係唔多，黎緊農曆新年同屋企人食飯或者平時聚餐，呢到都絕對係一個好選擇👍🏻
〰️〰️〰️〰️〰️〰️〰️〰️〰️〰️〰️〰️〰️〰️〰️
✨川辣口水雞
雞肉嫩滑，味道層次豐富，辣中帶香，香中帶麻。
✨48小時熟成煙燻片皮鴨
呢個片皮鴨可以話係中西合壁！片皮鴨先熟成48小時，再以香片茶葉及木碎煙燻，低溫燒再搶皮逼油，燒出黎鴨皮酥脆鬆化，而鴨胸則肉嫩多汁。配埋秘製片皮鴨醬、青椒醬、哈蜜瓜同蔥食更滋味😋
✨米椒菜脯蒸北海道元貝
北海道元貝大隻厚肉到不得了，配菜脯蒸我真係第一次食。辣辣地又多一層爽脆口感，連埋索曬汁既粉絲一齊食真係無得輸🤤
✨黑胡椒焗生猛大肉蟹
凈係呢個蟹都有成十幾款煮法，根據你既口味為你度身訂造，都好多煮法我係連諗都冇諗過😂由於我唔係好識拆蟹，所以食左個蟹鉗。啖啖肉，黑胡椒味香得黎都幾辣下。
黑胡椒粒係張師傅專登係新加坡運返黎架，係香港食唔到既味道。正宗新加坡整法食落都會較辣，唔食得辣既可以要求小辣。
✨櫻花蝦欖菜炒蒜芯苗
蒜芯苗我咁大個女食過一次咁大把，記憶中覺得無乜特別又多渣。但食完呢到既蒜芯苗我完全改觀！食落又鮮甜又爽口😋因為餐廳用左好多心機遂條遂條將蒜芯苗批皮，處理手法極繁複！好多餐廳都唔願做呢道菜。可以係呢到食到真係好難得👍🏻
再加入欖菜同櫻花蝦炒，欖菜通常都幾咸下，但呢到既欖菜係唔咸架，完全唔會搶走其他材料既味道 。而櫻花蝦亦都落左海量，極香。真係未試過食曬啲菜仲有凈勁多櫻花蝦係到，真係好抌本！
✨酥炸五香蝦棗
呢道係潮洲菜黎，即係粿肉。我細細個食到大😂蝦肉彈牙，外皮酥香，馬蹄爽脆。
✨龍蝦湯脆米泡飯
龍蝦先煎完再煮成龍蝦湯，再加埋5款材料同炸脆米係瓦煲到一齊煮成泡飯。食落濃郁鮮甜，粒粒龍蝦肉好彈牙。
✨原個雪燕香芒椰子盅
呢個甜品個個都讚不絕口😘
底層係滑捊捊既椰子奶凍，上面係香甜芒果、雪糕 同雪燕。成個椰子味香到不得了，食落甜度岩岩好。真係滿分無得彈👍🏻
食完仲可以刮埋椰子肉食。當日有張師傅親自教路，我地學識左點樣輕易咁起到成個椰子肉，食完呢餐野真係學到唔少野😎
張貼
