影片
更多
2021-05-12
1749 瀏覽
Happy Friday又臨近出糧，同朋友去銅鑼灣Fashion Walk食豪DD！有朋友食過另一間分店，表示一定要試，作為烤鴨愛好者，我梗係要驗証吓！ 一入到門口，就見到大大隻鴨子圖案，一定唔會去錯！經經理介紹後，叫了最出名嘅北京烤鴨三食，有雲吞鴨肉湯、片皮鴨同椒鹽香酥鴨架。另外仲叫了招牌小籠包同燸米炒蟹。 先上雲吞鴨肉湯同招牌小籠包，經理特別表示小籠包湯肉比例1:1，用筷子夾起小籠包會好似個吊鐘咁，配以特別購入嘅上海康樂醋，酸甜度剛好，唔會搶咗小籠包湯同肉嘅鮮味！雲吞鴨肉湯湯味香濃，更煲至奶白色，食片皮鴨前剛好暖暖胃！之後就到期待已久嘅片皮鴨，一上枱已香味洋溢，配料選擇多，除咗傳統甜醬、青瓜、蔥絲、砂糖之外，仲有哈密瓜、蒜泥同山渣條，擺盤夠晒 colorful，睇得又食得！ 烤鴨皮香脆但唔會好油，配砂糖入口即溶，口感令人回味！最驚喜嘅係烤鴨份量都幾大，即製餅皮都有兩大籠，絕對係大飽口福！椒鹽香酥鴨架，就係以大量椒鹽將鴨架炸乾炸脆，非常香口惹味！ 最估唔到嘅係最後一味燸米炒蟹，大大隻蟹充滿蟹膏，用蟹膏炒燸米飯，非常美味！如果海外親友有機會返港，我一定會帶佢哋食呢間餐廳，俾佢哋感受吓香
一入到門口，就見到大大隻鴨子圖案，一定唔會去錯！
經經理介紹後，叫了最出名嘅北京烤鴨三食，有雲吞鴨肉湯、片皮鴨同椒鹽香酥鴨架。另外仲叫了招牌小籠包同燸米炒蟹。
先上雲吞鴨肉湯同招牌小籠包，經理特別表示小籠包湯肉比例1:1，用筷子夾起小籠包會好似個吊鐘咁，配以特別購入嘅上海康樂醋，酸甜度剛好，唔會搶咗小籠包湯同肉嘅鮮味！雲吞鴨肉湯湯味香濃，更煲至奶白色，食片皮鴨前剛好暖暖胃！
之後就到期待已久嘅片皮鴨，一上枱已香味洋溢，配料選擇多，除咗傳統甜醬、青瓜、蔥絲、砂糖之外，仲有哈密瓜、蒜泥同山渣條，擺盤夠晒 colorful，睇得又食得！ 烤鴨皮香脆但唔會好油，配砂糖入口即溶，口感令人回味！
最驚喜嘅係烤鴨份量都幾大，即製餅皮都有兩大籠，絕對係大飽口福！
椒鹽香酥鴨架，就係以大量椒鹽將鴨架炸乾炸脆，非常香口惹味！
最估唔到嘅係最後一味燸米炒蟹，大大隻蟹充滿蟹膏，用蟹膏炒燸米飯，非常美味！
如果海外親友有機會返港，我一定會帶佢哋食呢間餐廳，俾佢哋感受吓香港食物嘅美味！
張貼
