Gontran Cherrier (Restaurant) (已結業)

上星期路過K11見到好多人排隊買麵包，個個都買幾隻牛角包，一望價錢都幾貴，最平都20幾蚊，甚至40幾蚊一隻，即刻嚇親，一隻都冇買到。過幾日同朋友傾偈，佢話牛角包非常好食，一定要試吓，於是再次路過嘅時候，就買隻最普通最基本嘅牛角包試吓。牛角包大概一隻手掌大，包身比較硬，唔似有啲牛角包摸落去會軟淋淋。咬落去嘅時候，外面好鬆脆，裏面組織發得好靚，網狀，唔係空氣包。味道方面，甜甜地，唔會話好香牛油味，不過都好食，都有麵包香，但如果牛油味再香啲就更好食。總括而言， 20幾蚊一隻牛角包抵唔抵食，就要睇吓你嘅經濟能力。