金子半之助 (新都會廣場) (已結業)

喺東薈城食過，印象中都唔錯，今日一個人經過就去獨食啦~上次食過嘅炸菇實在太驚艷，所以今次一樣要咗個天丼，但成品同另一間鋪差好遠。個餐一嚟到啲天婦羅已經唔係好熱，亦都淋淋哋唔夠脆口，第一件當然食咗我期待已久嘅炸菇先，唔夠熱又軟淋淋，索曬啲油搞到非常油膩，令人好失望整體好一般食到好濟。尤其係個天婦羅蝦，隻蝦好硬，入口係一大舊軟淋淋嘅粉，咬多2下就係隻好老嘅蝦個隻粉粉哋嘅口感。見到呢到咁多劣評都唔係無原因，如果大家想試去其他分店可能會開心啲。